Evri taem save Askem disfala Queston
- Hao nao bae mi save takem dispala transpot long ples bilong mi?
- Hao nao bae mi save kontactem Pelena Express?
- Mi save chatam or haerem nao disfala bout ia and hao nao bae mi duem?
- Hao nao bae mi save baem disfala Pelena Express Token?
- Hao nao bae mi save wokem aut haomeni tokens nao mi needim fo go long wanfala ples an narafala ples?
- Wanem nao kost long wanfala Pelena Express Token?
- Mi save payem nao disfala Pelena Express Tokens long Pelena Express?
- Hao nao bae mi save stopem nao disfala bout long ples bilong mi?
- Disfala bout hemi garem toilet tu?
- Wanem nao alketa sef samting long Pelena Expres bout?
- Wae nao disfala bout hemi no garem laef- bout (smol bout) an laef-raft long disfala bout?
- Wae nao disfala Pelena Express bout hemi no garem propeler?
- Wanem nao mentanes program bilong Pelena Express?
- Hao nao bae disfala transport sevises ia save kasem samfal ples an samfala Provinses?
- Hao meni bout nao Pelena Express hemi garem?
- Wanem nao opisal straet nam bilong Pelena Express?
- Hao
- Hunao awnem disfala Pelena Express?
- Long wea nao Pelena Express hemi takem seleni fo baem disfala bout?
- Hao Pelena Express hemi bae ranem bout businis sevises nomoa?
- Hao nao Pelena Express save helpem bisnis bilong mi?
- Hao nao Pelena Express save helpem aid project bilong mi?
- Hu nao wokem disfala bout ia?
- Mi save baem disfala bout alsem disfala Pelena Express?
- Mi herem dat disfala bout bae hem iusim kokonut oel. Hem tru?
1. Hao nao bae mi save takem dispala transpot long ples bilong mi?
Fastaem iu mas cekem nao taem tebol fo iu save wat taem nao dispala bout hemi kasem ples bilong iu. Hem garem sot taem nomore an hem save stop nomoa long alketa bik vilez wea garem woap or sanbis nomoa. Fo baem dispala token iu mast paem nao Pelena Tokens (tiket). Pelena tokens hemi hae tumus fo payem long bout bat hem lou prais nomoa long alketa stoa vea salem disfala Pelena token.
2. Hao nao bae mi save kontactem Pelena Express?
Hemi garem samfala ve fo kontactem Pelena Express alsem. Tok waetem Pelena Express
3. Mi save chatam or haerem nao disfala bout ia and hao nao bae mi duem?
Fastaem iu mast toktok waetem alketa long Pelena Express fo save wat taem nao alketa e save wokem chata fo iu.
4. Hao nao bae mi save baem disfala Pelena Token?
Iu save baem disfala token long bout bat hem hae tumas. Mifala laekem iu fo go payem disfala token long alketa stoa wea alketa salem disfala Pelena token, long taon or long ples wea saen hem stap “ Pelena Tokens on Sale here”
Long ovasi, iu save payem token long Australia long tok waetem Pelena Energy
5. Hao nao bae mi save wokem aut haomeni tokens nao mi needim fo go long wanfala ples an narafala ples?
Diswan hemi folom nomoa long wea nao iu laik fo go an hem needim haomeni token nao iu mas baem fo kasem datfala vilez or taon. Fo wokem aut haomeni token iu needem, wanfala Pelena Token hemi tekem 5km nomoa. Pelena Crew hemi save talem iu haomeni token nao iu needem fo kasem nao ples wea iu lik fo go kasem.
kost fo go long wanfala ples an narafala ples
6. Wanem nao kost long wanfala Pelena Express Token?
Lukim alketa agents vea salem Pelena Tokens fo kost long wanfala token.
7. Mi save payem nao disfala Pelena Express Tokens long Pelena Express?
Fo payem wanfala token long Pelena Express bout, hemi bae kostim iu hae tumas. Hemi chep supos iu payem token long alketa agent wea salem Pelena tokens. Pelena Express hemi salem nomoa alketa bik naba alsem tu handre (200) nomoa an go up bat mas wokem gud aregment waetem Pelena Express Manegment nomoa. Diswan mifala no alaudim fo payem tokens long bout.
8. Hao nao bae mi save stopem nao disfala bout long ples bilong mi?
Tok waetem Pelena Express. Mifala bae kam up waetem samfala ve fo alketa pipol long vilez save shoem samafal saen fo boardim bout. Tiunim local radio bilong iu fo samfala updates bilong Pelena Express.
9. Disfala bout hemi garem toilet tu?
Nomoa. Toilet hemi no stap long bout ia becos alketa trep long ples an nara ples hemi no long taem nomoa.
10. Wanem nao alketa sef samting long Pelena Expres bout?
Impotent sefty long disfala bout hemi alketa woaka man wea lanem disfala woaka long bout. Everi crew or woaka man long disfala bout ia hemi stap long vilez nomoa an alketa garem gud fala sefty experences long si. Samfala samting moa, alketa crew ia hem complitim nao maritime training alsem hao fo kilim faea, fest aid, algeta teknik hoa fo sevem laef long si, hoa fo lukaotim gud bodi and sefty long si. Tufala crew man bilong Pelena Express hemi go long Australia fo takem samfala moa trening, completem and takem disfala Pelena Express bout kam long Solomone Aelan. Solomone Aelan marine taem divizon hemi lukim disfala bout an aloudim fo takem pasenza long hem. Disfala bout hemi folom nao USL codes or rul long Australia wea hemi save iusim long si wea hem 30Nm farave long mein lan. Laef jaket, EPIRB, Wata fo diringi, pump, redio an satalait telepon hemi garem. Insaet long bout hemi garem alketa (buoyancy foam) samting vea save floutim an fo kepim disfala bout fo no sinki daun long si.
11. Wae nao disfala bout hemi no garem laef- bout (smol bout) an laef-raft long disfala bout?
Laef-bout hemi needim bikfala an evri taem alketa agent wea garem aotoraiz nomoa fo mitim nao international sefty standard nomoa save cekem an duim disfala sevisis wea iumi long Solomone Aelan iumi no garem. Nomata alsem mifala folom nao international sefty requarment (USL Codes) hem garem laef jaket, wata fo diring an long deck or insaet long bout hemi garem alketa samting wea save mekem bout e flout nomata hemi bereke or garem holo bat hem save flout nomoa.
12. Wae nao disfala Pelena Express bout hemi no garem propeler?
Pelena Express bout hemi garem propeler bat hemi stap insaet long paep insaet long bout. Hemi garem net fo stopem stiki an samfala samting fo bangem nao propeller long underneat long bout ia. Diswan hemi minim hemi save go nomoa long alketa reef vea hem no deep tumas.
13. Wanem nao mentanes program bilong Pelena Express?
Disfala mentanes progaram hemi barava garem hat toktok long hem an hemi garem taem nomoa fo duim disfala woaka. Alketa samting wea biuldim up disfala bout hemi fo stap long taem an hem esi long takem alketa spea pats.
Hemi garem taem fo cekem an changim alketa samting long bout ia an alketa woaka man wea hemi woaka long disfala bout, alketa e garem experens long woak wantaem alketa product bilong Pelena Energy alsem Pelena Energy micro-hydroelectric turbines.
Hem minim gud pipol, gud masin and gudfala supot hemi save givim relaebol opareison.
14. Hao nao bae disfala transport sevises ia save kasem samfal ples an samfala Provinses?
Fo duim diswan, Pelena Express nid fo takem samfala moa bout and trenim samfala moa woaka man an women. Mifala wokem program fo duem diswan, disfala program wea hemi save givem alsem wanfala transport long wanfala wuik long 90% long alketa kostal rural Solomon Aelander. Diswan hemi nediem seleni fo duem.
15. Hao meni bout nao Pelena Express hemi garem?
Distaem Pelena Express hemi garem wanfala bout nomoa bat mifala garem plan fo incresem moa disfala naba fo garem gud fala konekson long vilez transport an net woaka long kaudere Solomonen Aelan. Hao fo takem seleni nao hemi wanfala samting mifala no save quik taem expandim disfala bisnis (Pelena Express).
16. Wanem nao opisal straet nam bilong Pelena Express?
Opisal nam bilong hem hemi Pelena Express Limited an hemi regester Kabani long Solomone Aelan.
17. Hao, Pelena Express hemi garem lasen for ranem bisnis long Solomone Aelan?
Pelena Express hemi garem lasen bilong Western Provins gavernament an hem bae ranem transpot sevises. Pelena Express hemi bae oparet nomoa long Westen Provins.
18. Hunao awnem disfala Pelena Express?
Hemi blong Solomon Islanders wea pipol laik fo stap nomoa long vilez.
19. Long wea nao Pelena Express hemi takem seleni fo baem disfala bout?
Pelena Express hemi barava wanfala praevet bisnis wea hemi tekem loan long wanfala praevet lender. Nomoa ani Gavernament or samfala aid mani wea hemi helpem disfala bisnis fo disfala sevises. Nomoa ani bank or samfala ples wea garem seleni long Solomone Aelan laek fo helpem or givim seleni long disfala project. Wanfala praevet lender long Australia nao hemi givem loan for disfala bisnis. Pelena Express mas changim baik disfala loan and intarest long disfala lender ia.
20. Hao Pelena Express hemi bae ranem bout businis sevises nomoa?
Nomoa. Pelena Express hemi garem samfala plan wea hemi wuinim disfala bout sevises. Hemi garem samfala tingting fo garem samfala moa bout fo makem an helpem fo developem alketa pipol long vilez long kaudere bilong iumi, Solomone Aelan.
21. Hao nao Pelena Express save helpem bisnis bilong mi?
Mifala save helpem iu fo kam up waetem bisnis bilong iu. Samfala ve iumi save wokem ve fo colectim alketa samting wea iu laek fo salem. Samfala taem bisnis bilong iu hem laek fo wokem alketa gud transport sevises bat outboard motor nao hemi samfala taem hemi no woaka gud fo kepim disfala sevises vea hemi ran long alketa taem. Disfala Pelena token sistem hemi save helpem bisnis bilong iu an iu no garem strong tingting fo oparatem canu na engin. Mifala bae wok wantaem iu fo iu usim disfala bout Pelena Express.
22. Hao nao Pelena Express save helpem aid project bilong mi?
Pelena Express bout hemi garem gud fala speis fo loadim alketa samting bilong project bilong iu an hemi esi an fo takem alketa samting bilong iu fo go straet long vilez bilong iu.
Hemi save carem staka samting vuinim canu. Staka alketa aid project hemi no save garem outboard motor engin. Diswan hemi causim bikfala samting long rural area long Solomone Aelan wea bazet bilong project hemi go nomoa long outboard motor an samfala bazet hemi go long praevet iuz bilong hemseleva nomoa.
Pelena Token hemi wanfala ve wea hemi save alaudim bazet bilong iu an hemi save givim iu samfala samting fo tingim long project bilong iu an no cen wari nomoa long outboard motor fo runim project bilong iu.
23. Hu nao wokem disfala bout ia?
Pelena Energy long Australia nao wokem disfala bout.
24. Mi save baem disfala bout alsem disfala Pelena Express?
Iu save baem disfala bout bat mifala notingim fo duem disvan. Mifala laek fo wokem relaebol transport sevises an no fo salem nomoa gud bout. Mifala save salem bout bat mifala no save salem alketa save an nolez bilong mifala fo lukautem gud bout fo woaka gud long Solomone Aelan.
Mifala no tingim fo salem bat fo lesem transpotation package wea mifala bae provaedem bout, woaka man, spea pats, alketa mentanes program, gud fala fuel fo gud relaebol.
Mifala save staka bisnis pipol alketa baem bout and alketa tingim dat alketa wokem nao transpot soluson bat no long taem disfala masin hemi bakaraf nomoa.
Levem Pelena Express fo heti soa long disfala transpotaison sevises.
25. Mi herem dat disfala bout bae hem iusim kokonut oel. Hem tru?
Pelena Energy long Australia hemi wokem samfala ve fo iusim disfala dizol engin long kokonut oel. Long ear 2007 bae disfala bout bae hemi stat fo iusim lelebet dizol an kokonut oel. Diswan taem disfala bisnis hem ran gud. Tingting strong bilong disfala bisines hemi fo wokem oel long kokonut wea hemi darect straet long vilez level. Diswan hemi givim seleni long alketa vilez pipol an hemi sloum daun alketa oel wea iumi baem long ara kaudere. Diswan hemi wanfala samting wea hemi helpem tu disfala green house global warming. More information go to Boat Information page.